Græni Lótusinn

Kundalini jóga, hugleiðsla, Jóga í vatni, Meðgöngujóga í vatni.


Leave a comment

Kennsla í Orkulundi á vorönn 2013

Skráning hafin á vorönn 2013 í kundalini jóga og hugleiðslu á Akureyri !

Kennt annan hvern laugardag frá og með 19.janúar-18.maí.

Orkulundi, Viðjulundi 1, Akureyri.

Tilboð á vorannarkorti í alla tíma til 5.janúar:  20.000,-kr.

Innifalið: 10 Kundalini jóga- og hugleiðslutímar.

1 tími í jógískri heilun.

Djúpslakandi og hjálpar til við losun líkamlegrar og tilfinningalegrar spennu.

Kundalini jógatímar eru kl. 10–11:15 (1 klst og 15 mín)

Stakur tími 1.200,-kr.

10 tímar á 11.000,-kr.

Frítt í einingarblessun á milli kl. 11:20 -11:40.

Hugleiðslutímar kl. 11:45-12:30. (45 mín)

Stakur tími 1.000,-kr.

10 tímar á 9.000,-kr.

Allir tímar saman á 18.000,-kr.


Leave a comment

Meðgöngujóga í vatni á Akureyri

Kennsla á meðgöngujóga í vatni hefst í Glerárlaug á Akureyri þann 5. október nk.

Kennt verður annan hvern föstudag kl 14:45-15:45 til 14.des og er þetta yndisleg leið til andlegrar og líkamlegrar styrkingar til viðbótar við allt það góða sem í boði er fyrir barnshafandi konur.

Þetta eru alls 6 skipti og kosta þau 9.000,-kr. Ef þú vilt koma í stakan tíma er það hægt meðan pláss leyfir, verð á stökum tíma er 1.500,-kr.

Við gerum jógaæfingar, hugleiðslur og njótum fljótandi slökunar í hverjum tíma. Fróðleikur og fræðsla fléttast inn í hugleiðslur og æfingar. Hægt er að nýta sér hugleiðslurnar til heimaiðkunar á meðgöngunni og áfram út lífið : ).

Arnbjörg Kristín, kundalini jógakennari og jógískur ráðgjafi kennir meðgöngujóga í vatni á 2 stöðum í Reykjavík sem stendur. Hjá sjúkraþjálfurunum í meðgöngusundinu í sundlaug Hrafnistu í Laugarási og heldur námskeið á eigin vegum í Boðaþingi 5-7 í Kópavogi.

Verið hjartanlega velkomnar.

Skráning hjá Arnbjörgu Kristínu í s: 862-3700 eða akk@graenilotusinn.is.


Leave a comment

Námskeið á Akranesi

Styrkur í kyrrð – námskeið fyrir konur.

Næsta námskeið hefst 26.október á Akranesi.

Þetta er ætlað konum og munum við hittast í 4 skipti og verður boðið upp á þáttöku í heimaástundun milli tíma sem tengist efninu. Yogi Bhajan, meistari í kundalini og hatha jóga varði stórum hluta af lífi sínu í að byggja konur upp. Hann taldi það vera samfélagslega mikilvægt því þær eru farvegur nýrra einstaklinga inn í þennan heim. Það er því með mikilli ánægju að geta boðið námskeið sem fjallar um það sem hann kenndi.

Það er kennt á 4 föstudagskvöldum, 26. okt, 9. nóv,23. nóv og 7. desember kl. 20-21:30.

Verð 11.000,- kr.

Skráning hjá Arnbjörgu Kristínu í s: 862-3700 eða akk@graenilotusinn.is.

“Your strength is how calmly, quietly and peacefully you face life.” -Yogi Bhajan


Leave a comment

Hreyfing hér og nú í 8 vikur

Þann 1. október nk. mun hefjast námskeið þar sem við hreyfum okkur á fjölbreyttan og meðvitaðan hátt.
Á þessum 8 vikum verður markmiðið að vera hér og nú, njóta stundarinnar og vera meðvitaður/uð um líkamann. Í markmiðasetningu í hreyfingu er alla jafna stefnt að lágmarkstíma, ákveðinni vegalend eða kílóatölu sem við náum að léttast um. Það er ekki lögð áhersla á þessi atriði á námskeiðinu. Ef þið upplifið ofantalið er það bara bónus : ).

Því oftar sem við dveljum hér og nú er líklegra er að við náum að festa það í daglegu lífi. Það er kjörið að æfa það með hópi fólks. Hópurinn eflir þína upplifun.Þetta eru skemmtilegar 8 vikur í hópi fólks sem hugsar á þessum nótum. Það er engin keppni og það þarf ekki að flýta sér.Gerum lífshamingjuna að markmiði !

Hópurinn hittist þrisvar í viku á þessum 8 vikum og er dagskráin sem hér segir:

Mánudagar kl. 20-21 – Jóga í vatni. Mildar jógaæfingar, hugleiðsla og djúpslökun. Kennt í sundlauginni í Boðaþingi 5-7 í Kópavogi.

Miðvikudagar kl. 10-11 – Ganga/Skokk í náttúrunni og góðar teygjur á ylströndinni, farið í pottinn í Nauthólsvík á eftir. (Hægt að fara í sjósund ef vill eftir tímann). Við klæðum okkur eftir veðri í þessum tímum.

Fimmtudagar kl. 9-10 Kundalini jóga eftir forskrift Yogi Bhajan. Fjölbreyttar og styrkjandi jógaæfingar, hugleiðsla og slökun. Kennt í jógasal Ljósheima.

Verð 16.900,- kr.

Kennari: Arnbjörg Kristín Konráðsdóttir
Kundalini jógakennari, jógískur ráðgjafi, bowentæknir og heilari.

Arnbjörg hefur góða reynslu af líkamsþjálfun og virkri hlustun á líkamann í gegnum líf sitt og störf. Hún æfði körfubolta í 10 ár hérlendis og erlendis. Hefur unnið með fólk með stoðkerfisvandamál og íþróttafólk í gegnum Bowentækni síðan árið 2007.

Hún hefur kennt kundalini jóga og hugleiðslu ásamt jóga í vatni sl. 2 ár. Hún vinnur einnig með einstaklingum sem jógískur ráðgjafi og finnur persónulega jógaiðkun sem hentar hverjum og einum líkamlega og andlega. Hún var þáttakandi í undirbúningshóp hlaup.is fyrir Laugavegshlaupið á árinu og tók þátt í sínu fyrsta fjallalanghlaupi.

Hún hefur kennt gönguhugleiðslur í Öskjuhlíð undanfarin 2 ár sem hjálpar til við að auka einbeitingu í verki og ná fram fyrirsjáanlegum áhrifum hugleiðslunnar sem notuð er hverju sinni. Hún gaf út geisladisk sem er stuðningsefni fyrir þessa iðkun árið 2011.
Hún hefur farið af og til í sjósund sl 2 ár og fræðir um jákvæða kosti þess að vera í vatni fyrir líkama, huga og sál.

Skráning og nánari upplýsingar í s: 862-3700 eða akk@graenilotusinn.is
www.graenilotusinn.is


Leave a comment

Jóga í vatni

Jóga í vatni er leið til að næra líkama, huga og sál. Vatn slakar á vöðvum og liðum og auðveldar allar hreyfingar. Það styður við stoðkerfið og hentar ungum sem öldnum. Jóga í vatni er gott fyrir þá sem eiga erfitt með hreyfingar í venjulegum jógatímum.

Hver tími samanstendur af jógaæfingum, hugleiðslu í heitum potti og fljótandi slökun. Ég nota æfingasett og hugleiðslur úr kundalini jóga sem ég hef aðlagað að vatni. Ég nota fallega tónlist í tímunum sem dýpka áhrif iðkunarinnar. Þetta er góð hreyfing fyrir líkamann og áhersla lögð á andlega styrkingu og góða slökun.

Umsagnir iðkenda:
“Jóga í vatni eru yndislegir tímar þar sem ég næ að slaka vel á fljótandi um í heitum potti eftir þægilegar jóga æfingar. Arnbjörg er frábær kennari sem upplýsir vel hvaða góðu áhrif æfingarnar hafa á bæði líkama og sál.”
Birna Dröfn 26 ára

“Jóga í vatni er með því betra sem ég hef kynnst og hef ég stundað jóga lengi. Andleg og líkamleg líðan er alveg yndisleg. Ég er baksjúklingur og líklega með einhverja gigt. Ég var farin að finna of mikið til þar sem ég stundaði jóga og ákvað því að prufa jóga í vatni. Sé ekki eftir því, því það er alveg frábært. Svo er hún Arnbjörg kennari líka yndisleg manneskja.”
Guðlaug 57 ára

“Jóga í vatni hefur gert mér kleift að stunda leikfimi á ný þar sem ég á erfitt með að hreyfa mig og þjáist af verkjum alla daga.Vatnið í lauginni er þægilega volgt, heitara en í venjulegri laug, sem er mjög notalegt.Á meðan æfingum stendur er spiluð róleg og falleg tónlist og andrúmsloftið er notalegt.
Léttar en góðar æfingar, slökun og hugleiðsla gefa mér aukin kraft og vellíðan.
Jóga í vatni er algjör snilld!”

Anna María 39 ára

“Jóga í vatni er í raun klukkutími af upplifun og heilun. Teygjur og slökun með Arnbjörgu Kristínu, sem hefur einstaka nærveru, endurnærir bæði sál og líkama. Finn sérstaklega fyrir heilunarmætti Gong – slökunarinnar.  Ákveðin í að halda áfram í Jóga í vatni næstu 30 árin.”
Anna 64 ára

Sundlaugin í Boðaþingi  í Kópavogi:
Sundlaugin í Boðaþingi, 6 vikna námskeið (10 skipti) hefst 10.september. Kennt verður á mánudögum og miðvikudögum kl 17:30-18:30.

Sundlaugin á Grensás í Reykjavík:
Sundlaugin á Grensás, 6 vikna námskeið (10 skipti) hefst 11.september. Kennt verður á þriðjudögum og fimmtudögum kl. 17-18.
Skráning hafin í s: 862-3700 eða akk@samana.is. Gott er að skrá sig tímanlega vegna fjöldatakmarkana á hvert námskeið. Verð 16.500,- kr.

Smelltu hér til að sjá hvar sundlaugin í Boðaþingi er staðsett. Gangið inn um rennihurð með áletruninni þjónustumiðstöð fyrir ofan. Farið inn í anddyrið, niður stigann og þá sérðu sundlaugina til hægri. Ef hurðin er lokuð er annar inngangur til vinstri sem er númer 5-7, þar er einnig hægt að fara sömu leið til sundlaugar.

Smelltu hér til að sjá hvar sundlaugin á Grensás er staðsett.

Möntrublað.

Vefsíða þar sem möntrutónlist og gongtónar eru fáanlegir.

Verið hjartanlega velkomin.

Haustannarkort 1 – Aðgangur í alla tíma á haustönn í báðum laugum – 53.000,-kr.(60 tímar).

Haustannarkort 2 – Aðgangur í alla tíma á haustönn í annarri lauginni – 33.000,-kr.(30 tímar).

Hópar velkomnir í stakan tíma. Kjörið tækifæri til að koma saman og upplifa djúpa slökun í vatni.